Eskuzko drainatze linfatikoa zirkulazio linfatikoa hobetzeko eskuzko terapia bat da. Ehun konektiboan likido edo substantzien metaketa dagoenean (edema) eta sistema linfatikoa asaldatuta dagoenean erabiltzen da. Esaterako minbizi baten ondorioz goingoilak erauzi zaizkien pertsonen kasuan, mastektomia batean adibidez. Drainatze linfatikoko masajeak hainbat ondorio ditu gure organismoan: ekintza sinpatikolitikoa, ekintza analgesikoa, erlaxazioa, ekintza immunitarioa eta ekintza drainatzailea. Drainatze linfatikoko hainbat metodo daude eta klinikan erabiltzen den teknika, Leduc da, Belgikako bi unibertsitatetan jaioa. Metodoak berak, hiru zati nagusi ditu: gongoilen aktibazioa, kolektoreen deia eta birxurgapena.
Eskuzko drainatze linfatikoko terapian efektu hobeak lortzeko, presoterapia erabiltzen da. Teknika hau 60ko hamarkadan hasi zen erabiltzen lehen aldiz Estatu Batuetan. Gaur egungo metodoetan, presioa egin nahi den gorputz-adarren edo gorputz-adarren gainean jarritako gailu batzuen bidez (aire-ganberak) egiten da presioa. Ganbera horiek pixkanaka puztu eta hustu egiten dira, baso linfatikoetan ponpaketa bat eraginez eta gure organismoan odolaren zirkulazioa aktibatuz.
