Amatasunaren prozesu osoan zehar aldaketa fisiko eta biomekanikoak gertatzen dira emakumearen gorputzean. Aldaketa hauek direla medio, haurdunaldi zein erditzearen ondorioz hainbat arazorekin egin dezakegu topo, epe laburrera zein luzera, hala nola, zoru pelbikoan edota gune abdominalean.
Fisioterapia, beste osasun-profesional batzuen kolaborazioarekin batera, oso tresna baliotsua izan daiteke erditzearen prestakuntzarako, zoru pelbikoa eta gune abdominala babesteko, erditu ondoren errekuperazio ona lortzeko eta emakumeari beharrezko informazioa eta baliabideak emateko, sintomak eta ondoez emozionala ager ez daitezen.
